Yoon Shamil-E-Sahifa-E-Gham Ho Gae To Kya

Yoon Shamil-E-Sahifa-E-Gham Ho Gae To Kya,

Be Rabt Haashion Pe Raqam Ho Gae To Kya;

Khuddariyon Ka Daur Hi Baaqi Nahi Raha,

Sar Kuch Buland Logo Ke Kam Ho Gae To Kya;

Akhbaar Me Likhi Har Baat Jhoot Hai’

Kuch Sacche Waqayaat Raqam Ho Gae To Kya;

Kufe Ki Sarzamee Ki Sada Tang Hi Rahi,

Ashaab Hamare Bhi Kam Ho gae To Kya;

Ankhon Ke Ashk, Tan Ka Lahoo Choosne Ke Baad,

Hholay Agar Fasad Ke Kam Ho Gae To Kya;

Ae Dil Thujhs Saliqa-E-Izhaare-Gham Na Tha,

Kuch Gham Suparde Dida-e-nam Ho Gae To Kya;

Saulat Tumhaare Haath Me Ek Phool Bhi Nahi,

Shakh-E-Shajar Pe Naam Raqam Ho Gae To Kya.

(This Ghazal is written by Syed Saulat Husain Zaidi ‘Saulat Sethali,’ a renowned Urdu poet from Senthal, Bareilly.)

Aadat Meri

Aadat Meri Duniya Se Chipaane Ki Nahi Thi,

Wo Baat Bhi Kah Di Jo Batane Ki Nahi Thi;

Mai Khush Hoon Bahut Gard Ko Aaeene Pe Dekh,

Di Wo Mujhe Suraat Jo Dikhane Ki Nahi Thi;

Accha Huha Neend Aa Gai Arbaabe Wafa Ko’

Aage Ye Kahani Bhi Sunane Ki Nahi Thi;

Hum Kha Gae Dhoka Teri Aakhon Ki Nami Se,

Wo Chont Dikhadi Jo Dhikhane Ki Nahi Thi;

Yoon Dil Ko Kiya Shola-e-gham Tere Hawale,

Is Ghar Me Koi Cheez Bachane Ki Nahi Thi;

Kuch Esliye Apna Na Saka Usko Zaamana,

Saulat Ki Jo Aadat Thi, Zamaane Ki Nahi Thi;

(This Ghazal is written by Syed Saulat Husain Zaidi ‘Saulat Sethali,’ a renowned Urdu poet from Senthal, Bareilly.)

Anjaan-e-Humnashini....

Anjaan-e-Humnashini Gul Par Nazar Na Jaye,

Titli Kahi Khud Apne Paron Par Bikhar Na jae;

Mujhko Libaase Shahar Ki Wardi Azeez Hai,

Dekh Aaae Hawa, Gubaar Ki chadar Utar Na jae;

Mauzue Hijr-E-Yaar Bhi Dilchasm Hai Magar,

Sham-E-Alam Chiraagh Ki Lau Par Thahar Na jae;

Meri Tarah Hi Sochte Ye Kasash Humsafar,

Aise Chalen Ke Gard Kisi Aur Par Na Jaae;

Daure Jadeed Tu Meri Taswir Ko Na Dekh,

Mai Jisko Chahta Nahi Wo Rang Bhar Na jae;

Kal Raat Thartharaati Kahi La-u Chirragh Ki,

Saulat Ye Khauf Tha Meri Parchai-i Dar Na Jae;

(This Ghazal is written by Syed Saulat Husain Zaidi ‘Saulat Sethali,’ a renowned Urdu poet from Senthal, Bareilly.)

Aaamada Wahi Karte Hain Parwaaz Pe Saulat

Himmat Mein Kami Koi Na Par Toote Hue Hain,

Rishte Hai Khawabon Se, Magar Toote Hue Hai;

Is Simt Se Niklegi Har Ek Unchi Sawari’

Basti Ye Gharibon Ki Hai, Ghar Toote Hue Hai;

Diwanon Ne Pahnai Thi Diwano Ko Shayad,

Sab Halqa Zanjeer, Agar Toote Hue Hai;

Zinda Shab-E-Furqat Ke Sitare Bhi Hai, Humbhi,

Dil Sabke Magar Waqt-E-Sahar Toote Hue Hai;

Shayad Ke Phir Housle Ho Jaenge Uonche,

Unne Na Khabar Paae Ke Par Toote Hue Hai;

Aaamada Wahi Karte Hain Parwaaz Pe Saulat,

Jo Khoob Samajhte Hai ke Par Toote Hue Hai;

(This Ghazal is written by Syed Saulat Husain Zaidi ‘Saulat Sethali,’ a renowned Urdu poet from Senthal, Bareilly.)

GHAZI KO DILAWAR KO

GHAZI KO DILAWAR KO NAZAR DHOOND RAHI HAI
MAKHTAL MAIN BARADAR KO NAZAR DHOOND RAHI HAI
THA HASRA KA HANGAMA YEH TANHAI KA AALAM
HAR EK GAZANFAR KO NAZAR DHOOND RAHI HAI
GHAZI HO.................................

AAYE JO MADAD KE LIYE AISA NAHI KOI
BEKAS KO JO DE AAKE SAHARA NAHI KOI
SARWAR KO BHARE GHAR KO NAZAR DHOOND RAHI HAI
GHAZI KO..........................

EK KHOON BHARI NANHI SI TASVEER KA LASHA
HATHO PE UTHA RAKHA HAI BESHEER KA LASHA
AUR BANU E MUZTAR KO NAZAR DHOOND RAHI HAI
GHAZI KO......................

AB KHAIME MAIN BESHEER SA BACHCHA NAHI KOI
JUZ AABIDE BEEMAAR KE ZINDA NAHI KOI
AULAAD E PAYOMBAR KO NAZAR DHOOND RAHI HAI
GHAZI KO................

MATAM KI SADA KO BHI BARA DIJIYE SAULAT
AB FARSHE AZA KO BHI BHICHA DIJIYE SAULAT
KYA MADAR E SARWAR KO NAZAR DHOOND RAHI HAI
GHAZI KO DILAWAR KO NAZAR DHOOND RAHI HAI

Nade Ali, Lab Pe Hamare Nade Ali Hai

Lab Pe Hamare Naade-Ali Hai,
Dil Me Hamare Yaade Nabi Hai;

Mera Nabi Nabion Ka Nabi Hai,
Mera Ali Walion Ka Wali Hai;
Jaise Ho Ye Dono Baradar,
Aisa Bhi Kya Aur Koi Hai

Lab Pe Hamere Naade Ali Hai, Lab Pe Hamere Naade Ali Hai

Ek Ke Dar Pe Taara Utre,
Ek Kare Hai Chand Ke Tukde,
Enki Hui Kaabe Me Wiladat
Aur Unhe Meraaj Mili Hai;

Lab Pe Hamere Naade Ali Hai, Lab Pe Hamere Naade Ali Hai

Dekho Abu Talib Ka Qareena,
Theek Nahi Hai Kafir Kehna;
Dekho-Dekho God Me Unki
Ek Nabi Hai, Ek Wasi Hai;

Lab Pe Hamere Naade Ali Hai, Lab Pe Hamere Naade Ali Hai

Midhate Haider, Naate Payambar
Aapka Saulat, Kaun Hai Hamsar,
Josh Ko Chorom Hosh Me Aao,
Chota Muh Aur Baat Badi Hai

La Ilaha Illallah, La Ilaha Illallah

Payame Karbobala , La Ilaha Illallah

Husainiyat Ki Sada , La Ilaha Illallah,

Wo Ahle Isqh Ki Meeraj Wo Mulaqate,

Khuda Hi Jaane Ke Sajde Me Kya Hui Baate,

Zami Se Shor Utha,

La Ilaha Illallah, La Ilaha Illallah

Muqabla Tha Bahut Beshaoor Teeron Ka

Jo Ek Sagheer Ne Dekha Ghuroor Teeron Ka,

To Muskura Ke Kaha,

La Ilaha Illallah, La Ilaha Illallah

Sadae Matame Mazloome Karbala Saulat

Zamane walo Ne Dekha, ye Mojza Saulat,

Kaha Husain Suna,

La Ilaha Illallah, La Ilaha Illallah